Afþreying
Skemmtigarðurinn býður fjölbreytta afþreyingu fyrir alla aldurshópa.
Skemmtigarðurinn tekur mest á móti smáum og stórum hópum. Í flestar afþreyingar er lágmarksfjöldi 6 manns. Við erum ekki með fastan opnunartíma heldur opið á þeim tímum sem hóparnir vilja koma. Veldu afþreyingu til að sjá verð og lausa tíma – eða skoðaðu pakkatilboðin þar sem við höfum sett saman okkar vinsælustu afþreyingar.
Veldu afþreyingu
Skemmtileikar
Okkar tegund af hópefli: hópnum skipt í lið sem keppa í sprenghlægilegum leikjum þar til eitt lið stendur uppi sem sigurvegari.
Gæsun & steggjun
Tilbúnir pakkar með afþreyingu, mat og bjór – eða settu saman þinn eigin dag.
Óvissuferðir
Hópefli, ratleikir, fjórhjól, paintball, bogfimi – þið segið, við sjáum um rest.
Morðgátupartý
Hlutverkaleikur þar sem einn gestanna er myrtur – getur þú leyst gátuna?
Hvar er Skemmtigarðurinn?
Í Gufunesi í Grafarvogi, 112 Reykjavík. Frá Gullinbrú er keyrt beina leið u.þ.b. 1 km og þá blasir stórt sjóræningjaskip við á vinstri hönd. Keyrt er í gegnum stórt hlið inn á svæðið.
Er opið allt árið?
Já! Við tökum á móti hópum allt árið, alla daga frá 09:00–23:00 samkvæmt bókunum. Minigolf og fótboltagolf eru opin almenningi á sumrin (sjá opnunartíma á síðum afþreyinganna).
Hver er lágmarksfjöldi?
Í flestar afþreyingar er lágmarksfjöldi 6 manns. Sumar afþreyingar og pakkar miða við 10 manns og barnaafmæli við 15 börn. Lágmarksfjöldi kemur fram á hverri síðu.
Hvernig afbóka ég?
Hægt er að afbóka og fá endurgreitt með þriggja virkra daga fyrirvara. Sendu póst á info@skemmtigardur.is. Nánar í skilmálum.
Hvenær á ég að mæta?
Við mælum með að mæta 10–15 mínútum áður en afþreying hefst svo spiltíminn hefjist á réttum tíma.
Í hverju á ég að vera?
Flestar afþreyingar eru utandyra – klæðið ykkur eftir veðri og mætið í góðum skóm. Hlífðarbúnaður og gallar fylgja þar sem þess þarf.
Er aldurstakmark?
Já, í vissar afþreyingar. Undir 18 ára í paintball þurfa undirritað leyfisbréf frá forráðamanni. Útrásin er 13 ára og eldri og áfengi er eingöngu afgreitt til 20 ára og eldri.
Má koma með mat og drykk?
Nei, ekki er heimilt að koma með utanaðkomandi veitingar – að undanskildum afmæliskökum í barnaafmælum. Við bjóðum upp á pizzur, borgara, platta og drykki á staðnum.
Má drekka áfengi fyrir axarkast eða paintball?
Ekki má vera undir áhrifum áfengis í axarkasti. Starfsfólk hefur heimild til að vísa gestum frá án endurgreiðslu ef það telur þá ekki hæfa til að taka þátt.