Ratleikur fyrir hópa

Hvernig virkar ratleikurinn?

Ratleikurinn okkar er líkur gamla góða ratleiknum nema miklu einfaldari – og við sjáum um allt vesenið. Leikurinn er spilaður með snjallsímum, einn sími á lið. Þið segið okkur hvar þið viljið byrja og enda tveimur tímum síðar. Við stillum upp leiknum, hittum hópinn á byrjunarreit, tökum á móti ykkur á lokastöð, tilkynnum úrslit og afhendum medalíur.

Þrautirnar eru einfaldar og skemmtilegar og stór hluti þeirra felur í sér að taka myndir og myndbönd sem við sendum hópnum eftir á. Við getum líka bætt við stöðvum þar sem hópurinn þarf að taka skot, smakka hákarl eða skjóta úr boga, og útbúið to-go poka með snarli og drykkjum.

Við setjum leikinn upp hvar sem er á landinu – í miðbæ Reykjavíkur, í Skemmtigarðinum, í kringum fyrirtækið ykkar, á Álftanesi, í Grasagarðinum eða úti á landi – og sérútbúum leiki eftir ykkar höfði gegn tímagjaldi.

Til að bóka: veljið ratleik fyrir 1x, dagsetningu og tíma og stærð hópsins. Seinna í ferlinu er hægt að bæta við upplýsingum.

Ratleikur sem hópefli

Ratleikurinn er eitt vinsælasta hópeflið okkar fyrir vinnustaði. Hópnum er skipt í lið sem keppa sín á milli, leysa þrautir, taka myndir og myndbönd og safna stigum á leiðinni. Liðin þurfa að vinna saman, skipta með sér verkum og taka skjótar ákvarðanir – og hláturinn er aldrei langt undan.

Fyrir hverja er ratleikurinn?

• Fyrirtæki og vinnustaði – hópefli, starfsdagar og árshátíðir.
• Gæsanir og steggjanir – við aðlögum þrautirnar að hópnum, sjá gæsanir og steggjanir.
• Vinahópa, saumaklúbba og íþróttafélög.

Hvar er hægt að fara í ratleik?

Við setjum ratleikinn upp nánast hvar sem er: í miðbæ Reykjavíkur, í kringum vinnustaðinn ykkar eða í sumarbústaðnum – og hvar sem er á landinu. Á höfuðborgarsvæðinu er aksturinn innifalinn. Það eina sem þarf er einn snjallsími á hvert lið.

Svona gengur ratleikurinn fyrir sig

1. Þið segið okkur hvar og hvenær þið viljið byrja og hvar leikurinn á að enda.
2. Við hittum hópinn á byrjunarreit, skiptum í lið og förum yfir reglurnar.
3. Liðin leysa þrautir í um tvo tíma – spurningar, myndaþrautir, myndbönd og verkefni á staðnum.
4. Við tökum á móti ykkur á lokastöð, kynnum úrslitin og afhendum verðlaun.
5. Þið fáið myndirnar og myndböndin send eftir á.

Bættu ratleiknum við Skemmtileika, mat og drykk og búðu til heilan hópeflisdag – settu saman daginn hér.