Morðgátupartý

Hvað er morðgátupartý?

Hlutverkaleikur þar sem þátttakendur bregða sér í hlutverk persóna til að gera sér glaðan dag… en það er maðkur í mysunni, því einhver gestanna verður myrtur og það er hlutverk ykkar að komast að því hver framdi morðið.

Nokkrum dögum fyrir leik fá þátttakendur upplýsingar um sína persónu, tengingu við aðrar persónur og ráðleggingar um búning. Þegar leikurinn hefst fá allir umslag með markmiðum. Þegar morðið hefur verið framið fá þátttakendur nýtt umslag með nýjum markmiðum og mögulega sönnunargögnum. Fórnarlambið er ekki „úr leik“ heldur fær nýtt hlutverk.

Að lokum kynna allir sér sönnunargögnin, leggja fram ásökun og kjósa best klæddu persónuna og þá sem glæddi leikinn mestu lífi.

Leikirnir eru í samstarfi við Morðgátufélagið og eru spilaðir í salnum okkar. Á meðan leikurinn er í gangi er hægt að versla á barnum eða panta drykki fyrirfram. Bókun er háð því að laust sé á tiltekinni dagsetningu.

Leikir í boði

• Morð í hjólhýsagarðinum – grillveisla í W.P. hjólhýsagarðinum þar sem góðkunningjar lögreglunnar mæta með krullujárnin.
• Banvæn brúðkaupsveisla – brúðkaup Becky Giovanni og Stanley Simpson sem gæti snúist upp í andhverfu sína.
• Voðaverk í Vegas – veisla aldarinnar í Paramount Casino, með Elvis á gestalistanum.
• Sirkus dauðans – Harold Hargove vill keppa við Ringling-bræðurna, hvað sem það kostar.
• Syndir á sjó – kokteilboð skipstjórans um borð í Mystery of the Seas.
• Dauðavínið – fjáröflun Chardonnay Crest víngerðarinnar.
• Endalok við endurfundi – 30 ára endurfundir gagnfræðaskólans á Morðeyri.