Hvað er morðgátupartý?

Morðgátupartý er hlutverkaleikur þar sem þátttakendur bregða sér í hlutverk persóna til að gera sér glaðan dag. …en það er maðkur í mysunni því einhver gestanna verður myrtur á meðan á gleðinni stendur og er það hlutverk þátttakenda að komast að því hver það var sem framdi morðið.

Nokkrum dögum fyrir upphaf leiks fá þátttakendur sendar upplýsingar um sína persónu í tölvupósti, tengingu við aðrar persónur í leiknum, upplýsingar um aðrar persónur og ráðleggingar um hvernig hentar best að klæða sig upp í hlutverkið.
Þegar leikurinn hefst fá þátttakendur umslag með markmiðum sem þeim er falið að leysa í fyrri hluta leiksins. Á einhverjum tímapunkti í leiknum verður morð framið og fá þátttakendur þá nýtt umslag með nýjum markmiðum, auknum upplýsingum og mögulega fá einhverjir sönnunargögn í hendurnar.
Fórnarlambið þarf ekki að örvænta því enginn er „úr leik“ heldur fær fórnarlambið nýtt hlutverk og tekur þátt í að leysa morðgátuna.
Að lokum fá allir tækifæri til að kynna sér sönnunargögnin og leggja fram ásökun ásamt því að kjósa best klæddu persónuna og þá persónu sem glæddi mestu leikinn lífi með leikrænum tilburðum sínum.
Getur þú leyst morðgátuna?

Morðgátupartý eru er frábær skemmtun fyrir vinahópa, vinnustaði, fjölskyldur og félaga. Skemmtileg samvera dregur fram það besta í öllum, og býr til minningar sem endast.

Leikir í boði:

Morð í hjólhýsagarðinum

Íbúarnir í W.P. Hjólhýsagarðinum eru margir hverjir góðkunningjar lögreglunnar, m.a. vegna slagsmála, fjársvika og annarrar glæpastarfsemi býður þessi grillveisla upp á hörmungar. Með ókeypis mat og áfengi á matseðlinum má gera ráð fyrir að allir illa upp öldu, ólæsu og ölvuðu íbúarnir verði á staðnum, með krullujárnum og öllu.

Banvæn brúðkaupsveisla

Þér er boðið að fagna giftingu Becky Giovanni og Stanley Simpson í veislu sem þú munt aldrei gleyma. Fjölskylda og vinir koma saman og njóta veiga og matar – en kvöldið gæti fljótt snúist upp í andhverfu sína og alls kostar óvíst hvort allir komist lifandi heim.

Voðaverk í Vegas

Paramount Casino er stærsta spilavítið í Las Vegas og stendur til að þar verði haldin veisla aldarinnar.

Allir sem eru einhver í Vegas verða viðstaddir þennan stórviðburð. Allt frá umsvifamiklum stjórnmálamönnum til kynþokkafullra sýningarstúlkna, frá undirförla kokteilbarþjóninum til hins eina sanna Elvis – gestalisti þessarar morðgátu er jafn fjölbreyttur og þeir gerast.

Sirkus dauðans

Harold Hargove er æstur í að bólstra litlu sýninguna sína upp í alvöru sirkus sem getur keppt við Ringling bræðurna.

Í því skyni hefur hann gert örvæntingarfullar tilraunir til þess lokka til sín áhorfendur með stórkostlegum atriðum og skapað vægast sagt óheilbrigða samkeppni milli sýningaraðilanna.

Syndir á sjó

Eftir lúxusviku á sjó eru allir um borð í Mystery of the Seas að gera sig til fyrir kvöld fullt af rómantík og launráða í kokteilaveislu skipstjórans — tilkomumiklum viðburði sem erfitt verður að toppa.

Það er hvergi betri staður til að flýja vandræðin sín en að vera á reki á sjónum … eða fyrir morðingja að næla sér í sitt næsta fórnarlamb!

Dauðavínið

Í ár ætlar Chardonnay Crest víngerðin að halda fjáröflun þar sem allur ágóðinn rennur til Cabernet kjallaranna sem misstu allar sínar vínekrum í eldsvoðum síðasta haust.

Víngerðarmenn og ekrueigendur svæðisins keppast við að sýna hvort öðru sín allra bestu vín áður en þau verða sett í almenna sölu. Charlotte Chardonnay vonast til að þessi viðburður heiðri minnigu föður sinnar, Charles, sem setti samfélagið alltaf í fyrsta sætið og gróða í annað sæti.

Endalok við endurfundi

Það er komið að endurfundum hjá fyrrum nemendum gagnfræðaskólans á Morðeyri

Það hefur margt vatn runnið til sjávar á þessum 30 árum. Nú er tími til kominn að hitta aftur gamla vini (og óvini) og sjá hvað hefur orðið úr þessu fólki.

Því miður verður einn gestanna ekki útskrifaður úr veislunni.