Shop

Fotboltagolf-afmæli
SG-FótGolf-10 copylidsmynd_fotboltagolffotboltagolf

Fótboltagolf-veisla | Afmæli

2.490 kr.

Minigolf fylgir frítt með!

Bjóddu bekknum og vinunum í ævintýralegt afmæli í Fótboltagolf á 12 flottum holum og 18 holu minigolfvöll

Við byrjum á því að spila Fótboltagolf, borðum svo pizzur (2 sneiðar á mann) og drykkir (Gos, Safi, Vatn).
Eftir matinn þá mega krakkarnir fara aftur út að spila Fótboltagolf eða Minigolf.

Það má mæta með sína eigin afmælisköku en gott er þá að mæta með diska og hnífapör.

Verð:
2490 kr á þátttakanda

Lágmark 10 börn.
Má gera ráð fyrir að afmælið taki 2 klst.

Fótboltagolfið opnar 1. Júní



    Auka pizza:

    • 1990 kr.
    • 1990 kr.
    • 1990 kr.

    Afmælisgjöf

    • 2500 kr.
Flokkar: ,

Spilareglur í fótboltagolfi:

Spilareglur í Fótboltagolfi:

-Takkaskór eru ekki leyfðir. Gervigrasskór eða venjulegir strigaskór eru í lagi.
-Boltinn þarf að vera innan upphafsteigs þegar byrjað er á hverri holu.
-Snerting á boltanum þarf að vera í einni hreyfingu.*
-Það má ekki stoppa boltann – næsta skot verður að vera gert þegar boltinn hefur stöðvast alveg.
-Þú verður að skjóta boltanum þar sem hann stöðvast. Bannað að færa hann eða hluti sem gætu verið á vegi hans.
-Eina undantekningin er þegar bolti er fyrir bolta annars keppanda, þá má taka boltann sem er fyrir og merkja í grasið.
-Keppandinn sem er lengst frá holunni á næsta skot.
-Aðeins á gríninu má taka bolta upp til að þrífa eða skipta honum út.
-Keppandinn með besta skorið á síðustu braut á upphafsskot á næstu braut.

Upplýsingar um brautirnar

1. braut – par 3
Fyrsta braut vallarins er fremur stutt og því kjörin til að koma sér í gírinn. Lúmskur halli til vinstri er á landinu framan við flöt, sem gæti haft áhrif á rennsli boltans, allt eftir því hvernig flug hann fær. Það er undir þér komið.

2. braut – par 5
Hér eru ýmsar leiðir í boði, allt eftir því hvað þú telur þig sparka langt. Ætlar þú yfir trén á vinstri hönd eða viltu fara stystu leið inn á slegið gras? Ekki eins einfalt og það hljómar, því sandgryfjan er ekki langt undan. Flötin er uppi til vinstri, við bílastæðið, og liggur nokkru hærra en brautin. Innáspyrnan þarf að vera af réttri lengd svo boltinn tolli á flöt.

3. braut – par 3
Stutt og skemmtileg braut þar sem tré koma skemmtilega við sögu, skammt framan flatar. Hér eru ýmsar leiðir í boði, t.d. fyrir réttfættan fótboltagolfara að spyrna utanfótar og komast þannig fyrir hornið og inn að holu. Þorir þú því eða ertu meira fyrir að leika af öryggi? Vogun vinnur, vogun tapar.

4. braut – par 5
Hér getur allt gerst. Flötin er falin á bak við trén og því gæti reynt á hæfni þína við að spyrna boltanum hátt, svo hann lendi mjúklega. Góður fótboltagolfari getur framkvæmt spyrnur af mörgum gerðum. Hér gætir þú þurft að sýna hvað þú kannt.

5. braut – par 5
Þessi braut liggur í sveig til vinstri, utan um votlendi eða tjörn þegar mikið rignir. Þegar þú nálgast flötina er gott að reikna með þeim mikla halla sem er á landinu framan og ofan flatar. Flötin hallar einnig nokkuð og gæti reynt á taugarnar þegar að því kemur að koma boltanum í holu.

6. braut – par 4
Öflugt spyrnufólk á hér möguleika á að komast í námunda við, eða jafnvel inná flöt, sem er að mestu leyti falin handan trjánna. Mikilvægt er að forðast trén. Flötin hallar á móti spyrnustefnu og ætti því að stoppa tiltölulega fljótt eftir lendingu.

7. braut – par 5
Þeir eru ekki margir sem komast alla leið inná flöt í tveimur spyrnum, og eiga þannig möguleika á erni, en það má alltaf reyna. Hér ber að varast stóra og mikla glompu sem ver flötina að framanverðu hægra megin, en við hana er hár bakki sem getur reynst mörgum erfiður. Því er betra að halda sig vinstra megin.

8. braut – par 4
Þessi braut liggur í mjúkum sveig til vinstri. Ekki er mikið um hættur hér og hár bakki aftan við flöt getur meira að segja hjálpað til við að stöðva boltann svo hann fari ekki of langt. Hér er því upplagt að blása til sóknar og vinna högg fyrir síðustu brautina. Aðgát skal höfð með gangandi vegfarendum á göngustíg.

9. braut – par 4
Lokabraut vallarins býður upp á dramatík ef spyrnur eru ekki hárnákvæmar. Brautin þrengist eilítið um miðbikið og flötin er áhugaverð, en hún stendur uppi á lágum hrygg sem eykur mikilvægi þess að innáspyrnan verði af réttum styrk. Kláraðu hringinn með tilþrifum!

Boðskort

Sækja afmælisboðskort